結婚大妗姐吉利說話

上日老媽子要做大妗姐,我就收集了不少吉利說話,現在跟大家分享一下



〈敬茶時〉

飲過女婿茶,富貴又榮華。
飲過新抱茶,好快做嫲嫲。
飲茶笑呵呵,好快做婆婆。
飲茶笑騎騎,好快做爺爺。
茶到口,財到手,買車又買樓。
飲深D,中三T。
戴過金介子,好快生對金童子。
金鍊戴上頸,好快住山頂。
飲茶到口,橫財就手。
飲茶到口,得心又應手。
戴囍戴囍,新娘好快有囍。
戴囍戴囍, 戴過風生又水起。
飲茶飲到尾,年頭靚到落年尾。
金介戴上,三年抱兩。
一啖飲到尾,年頭賺年尾,買田又買地。
一啖飲到尾,青春又健美。
帶個大金牌,一世唔洗捱。
添一添,賺萬千 。

戴起大囍，戴到風生水起
戴起大囍，戴到兒孫滿地
戴起大囍，戴到金銀遍地
戴起大囍，保你家肥屋潤笑嘻嘻
戴金戴囍，風山水起


〈飲茶時〉
茶到口，財到手，買田又買樓
茶到口，財到手，買車又買樓
茶到口，財到手，富貴榮華一齊有
茶到口，甜到漏
飲深D，赚多D
香茶到口，添福又添壽
甜茶飲到尾， 青春又健美!!
甜茶到口， 兒孫快有!!!

三杯到口.. 明年飲姜酒..
飲完新抱茶， 你兩人要好好地造人(BB仔呀)

飲過新抱茶，富貴又榮華
飲過新娘茶，靚過林青霞
飲過新郎茶，型過劉德華
飲過新人茶，唔怕檬查查 (老人家用)

飲過新人茶，發到笑哈哈
飲過新人茶，馬仔聽你話
飲過新人茶，麻雀聽晒話
飲過新人茶，子孫聽晒話
家姑食過糖蓮子.. 家嫂連生貴子..

飲過新抱茶，出年做阿嫲
飲過新抱茶，生個孫仔四圍爬
今年娶新抱，出年有孫抱
一杯飲到尾，青春又健美

 

〈戴飾物時〉
戴起金器，大喜大喜
戴起大囍，戴到風生水起
戴起大囍，戴到兒孫滿地
戴起大囍，戴到金銀遍地
戴起大囍，保你家肥屋潤笑嘻嘻
戴金戴喜，風山水起

〈新人與長輩一起拿起金飾合照時〉
八隻手，發到夠
八隻手，乜都有